iets oor Safaripark Kleuterskool

---

 Safaripark Kleuterskool, gestig in 2025 deur Naas Venter en Mariska Swart, is ’n warm en liefdevolle leeromgewing waar elke kind gesien, gehoor en gekoester word.
Ons missie van dag een af is om ’n veilige, stimulerende plek te skep waar klein ontdekkers met selfvertroue kan groei en ontwikkel.
By Safaripark is leer ’n avontuur — vol sorg, kreatiwiteit en ’n sterk grondslag vir die toekoms. . 

Ons visie is om nuuskierigheid, kreatiwiteit en sosialisering by ons kleuters te bevorder, met `n fokus op speelgebaseerde leer en praktiese aktiwiteite. 

Ons glo dat elke kind uniek en spesiaal is, en ons is daartoe verbind om hul individuele behoeftes en belangstellings te ondersteun. 

Om kleuters die ruimte te gee om individueel te groei en mylpale te bereik in `n liefdevolle en veilige omgewing om sodoende holistiese kleuters na die Laerskool te stuur.

• Speelgebaseerde kurrikulum wat verkenning en ontdekking aanmoedig
• `n Lae leerder-tot-onderwyser-verhouding om persoonlike aandag en sorg te verseker
• `n Veilige en gesonde omgewing wat fisiese en emosionele welstand bevorder
• Gebalanseerde etes om te verseker dat kleuters die nodige voedingstowwe inkry wat hulle nodig het vir groei en ontwikkeling